ဌာနမှူး(သုတေသန/ဘာသာပြန်/စာအုပ်ထုတ်ဝေရေးဌာန)၏လုပ်ငန်း တာဝန်များ
(က) မဟာဓမ္မာစရိယဘွဲ့ယူကျမ်းစာများထဲမှ အများပြည်သူဒါယကာ၊ ဒါယိကာမများ အတွက် အကျိုးများစေမည့် ကျမ်းစာများကို ရွေးချယ်စိစစ်၍ ပုံနှိပ်ထုတ်ဝေနိုင်ရေး အစည်းအဝေးတွင် တင်ပြဆောင်ရွက်ရပါသည်။
(ခ) ထုတ်ဝေရန် အတည်ပြုချက်ရယူပြီးသော ကျမ်းစာများကို တည်းဖြတ်၍စာမူချော ပြုစု ဆောင်ရွက်ပါသည်။
(ဂ) ဘာသာပြန်စာမူများကို ထိန်းသိမ်းထားရှိပါသည်။
(ဃ) တက္ကသိုလ်ကျမ်းစစ်ကြီးကြပ်ရေးအဖြစ်တာဝန်ယူဆောင်ရွက်ရပါသည်။
(င) တက္ကသိုလ်စီမံခန့်ခွဲရေးအဖွဲ့တွင်လည်းကောင်း၊ တက္ကသိုလ်ပညာရေးအဖွဲ့တွင် လည်းကောင်း အဖွဲ့ဝင်အဖြစ်တာဝန်ယူ၍ တက္ကသိုလ်တိုးတက်ရေး ကူညီဆောင်ရွက် ရပါသည်။
(စ) တက္ကသိုလ်အုပ်ချုပ်ရေးဗဟိုအဖွဲ့ဆရာတော်များထံမှ အခါအားလျော်စွာ ဩဝါဒခံယူရ ပါသည်။
ဒေါက်တာဘဒ္ဒန္တဝဏ္ဏသိရီ
ဌာနမှူးဆရာတော်၊
သုတေသနဘာသာပြန်နှင့် စာအုပ်ထုတ်ဝေရေးဌာန
ထေရုပ္ပတ္တိအကျဉ်း
အရှင်ဝဏ္ဏသိရီ
သည် စစ်ကိုင်းတိုင်းဒေသကြီး၊ ဝက်လက်မြို့နယ်၊ မန်ကျည်းဖြူ ကျေးရွာ ခမည်းတော် ဦးသီဉာဏ်
+ မယ်တော် ဒေါ်ရွှေသ တို့မှ ၁၃၃၃-ခုနှစ်၊ တပေါင်းလဆန်း ၃-ရက်၊ ဗုဒ္ဓဟူးနေ့တွင်
ဖွားမြင်တော်မူခဲ့သော သားရတနာဖြစ်ပါသည်။
ဆရာတော်သည် ၁၃၅၃-ခုနှစ်၊ နတ်တော်လဆုတ် ၄-ရက်၊
ဗုဒ္ဓဟူးနေ့တွင် စမ်းချောင်းမြို့၊ မုန့်လုပ်ဆောင်းကုန်းရပ်ကွက်၊ ဘီးလင်းတိုက်
ခဏ္ဍသိမ်၌ စစ်ကိုင်းမြို့၊ သောတာပန်ရပ် ပါဠိကာရီသုံးခွကျောင်းဆရာတော် ဘဒ္ဒန္တမဟောသဓာဘိဝံသ
မဟာထေရ်ကို ဥပဇ္ဈာယ်ပြု၍ မုန့်လုပ်ဆောင်းကုန်းရပ်ကွက်နေ ဒေါ်ကျင်လှိုင် မိသားစုတို့၏
ပစ္စယာနုဂ္ဂဟ ကိုခံယူပြီး ရဟန်းအဖြစ်သို့ ရောက်ရှိတော်မူခဲ့ပါသည်။
ဆရာတော်သည် ဘဒ္ဒန္တဝရသာမီဘိဝံသ၊
ဘဒ္ဒန္တမဟောသဓာဘိဝံသ၊ ဘဒ္ဒန္တသဇ္ဇနာ ဘိဝံသ၊ ဘဒ္ဒန္တမဏ္ဍလပဏ္ဍိတ၊ စစ်ကိုင်းမြို့၊
ဇေယျသိမ်ကျောင်းတိုက် ဘဒ္ဒန္တပညာသိရီ၊ ဘဒ္ဒန္တသံဝရ၊ ပဋ္ဌာန်းသိပ္ပံဆရာတော်
ဘဒ္ဒန္တတရုဏပဏ္ဍိတ၊ ဘီးလင်းတိုက်သစ်ဆရာတော် ဘဒ္ဒန္တပညောဘာသ၊ ဆရာကြီး
ဦးအောင်ခိုင်နှင့် နိုင်ငံတော်ပရိယတ္တိသာသနာ့တက္ကသိုလ် (ရန်ကုန်)
ပါမောက္ခချုပ်ဆရာတော် အမှူးပြုသော သင်ကြား/စီမံ ဆရာတော်များ ထံတွင်
ပညာဆည်းပူးသင်ယူခဲ့ပါသည်။
ဆရာတော်သည် “ကိုယ်ကျင့်အဘိဓမ္မာ လေ့လာသုံးသပ်ချက်” စသောကျမ်းဂန်များ ရေးသားကာ
သာသနဓဇဓမ္မာစရိယဘွဲ့၊ သာသနတက္ကသီလဓမ္မာစရိယ BA(Buddhism)၊ M.A
(Sri Lanka), Ph.D. (Sri Lanka) ဘွဲ့တို့ကို ဆွတ်ခူးရရှိတော်
မူခဲ့ပါသည်။
ယခုအခါ ဆရာတော်သည်
နိုင်ငံတော်ပရိယတ္တိသာသနာ့တက္ကသိုလ် (ရန်ကုန်)
သုတေသနဘာသာပြန် နှင့် စာအုပ်ထုတ်ဝေရေးဌာန၌ ဌာနမှူးတာဝန်နှင့် သင်ကြား/စီမံ
တာဝန်များကို ထမ်းဆောင်တော်မူရင်း စာပေကျမ်းဂန်များ ရေးသားကာ သာသနာပြု လုပ်ငန်းများ
ဆောင်ရွက်တော်မူလျက်ရှိပါသည်။